Goe nieuws : in de toekomste klapt iederjen West-Vlams

© © VRT - Bart Musschoot
Redactie KW

Vanoavnd begint ip Canvas de twidde reekse van ‘Man over woord’, een programma over toale. Antwerpenoare Pieter Embrechts presenteert da spel. Ip Radio 1 verklapte Embrechts ol tjeen en tander. Zo ist er nen professor die peist da we in de toekomste ollemolle West-Vlams goan klappn.

Embrechts was te gast in Den Uchtnd ip Radio 1, bie Xavier Taveirne en Marjan Temmerman, alletwjee West-Vloamingn. Ie stelde de twidde reekse van ‘Man over woord’ voorn en in die twidde reekse ister nen professor die probeert in te schattn oe dat oes toale goat evolueern. Volgens dienen prof is ‘t nie simpel dat te voorspelln, omdaj nooit wit oe dat de politiek en azo goat verskuuvn, moar is ‘t er wel nen trend noa ‘t West-Vlams. Blikboar zin der tendenzen dat de Vloamingn en Dollanders alsmoa verder van mekoar goan groein, en in zo’n geval zoen de minsn wereplooin ip de toale die ‘t verst van ‘t Hollands stoat. En da’s t West-Vlams. Ol kannet wok een ander dialect worden.

(FV)

Mjeer in de Gazette van West-Vloandern

Fout opgemerkt of meer nieuws? Meld het hier